Көптеген жағдайларда жаңа бастап жүрген кәсіпкерлер мен болашақ бейінді мамандар өз кәсіпорнын ашу үшін қалаған қызметті жүзеге асыруға рұқсат немесе лицензия алуы қажет.

Қызмет түріне лицензия дегеніміз не

«Халық денсаулығы және денсаулық сақтау жүйесі туралы» Қазақстан Республикасының Кодексіне сәйкес медициналық қызмет лицензиялауға жатады және лицензиялауға жататын медициналық қызметтің кіші түрлері «Рұқсаттар және хабарламалар туралы» Қазақстан Республикасының Заңында айқындалған (бұдан әрі – Заң).

Қазақстан Республикасының Заңына сәйкес, лицензия – жеке немесе заңды тұлғаға қауіптіліктің жоғары деңгейіне байланысты лицензияланатын қызмет түрін не лицензияланатын қызметтің кіші түрін жүзеге асыруға лицензиар беретін бірінші санаттағы рұқсат.

Қарапайым сөзбен айтқанда, лицензия – бұл сізге қызметтің белгілі бір түрімен айналуға рұқсат етілгенін және сіз онымен айналыса алатыныңызды куәландыратын құжат. Медицина лицензиялау қажет сала болып табылады.

Лицензиясыз жұмыс істеу заңға қайшы, және де жалған мамандардан қызмет алуға мүлдем ұсынылмайды.

Лицензияланатын қызмет түрлерінің толық тізбесі заңда жазылған.

Лицензия алу үшін не қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің аумақтық департаменттері медициналық қызметті жүзеге асыру жөніндегі лицензиар болып табылады.

Лицензия алу процедурасы медицина саласында заңды түрде жұмыс істеу мүмкіндігі жолындағы соңғы кезең болып табылады.  Бұған дейін адам дайындықтан өтуі керек – мамандық бойынша білім алу, диплом алу, біліктілікті арттыру бойынша сертификатталған курстардан өту, санитарлық ережелерге сәйкес келетін үй-жайлардың болуы, яғни медициналық қызметке қойылатын біліктілік талаптарына сәйкес келуі тиіс (2020 жылғы 22 қазандағы № ҚР ДСМ-148/2020 бұйрық), атап айтқанда болуы қажет:

1) Санитариялық қағидаларға сәйкес келетін үй-жайлар (2020 жылғы 11 тамыздағы № ҚР ДСМ -96/2020 бұйрық). Лицензияны (оған қосымшаны) алғанға дейін санитариялық-эпидемиологиялық қорытындының болуы қажет.

2) Мамандар:

- мәлімделген медициналық қызметтің кіші түрлері бойынша соңғы 5 (бес) жылда біліктілікті арттыру.

3) Медициналық көмек көрсетуді ұйымдастыру стандартына (тиісті бейін бойынша) сәйкес жұмыс істейтін медициналық және (немесе) арнайы жабдықтардың, аппаратуралар мен аспаптардың, жиһаздың, көлік және басқа да құралдардың (қажет болған жағдайда) болуы.

Нысан (өндірістік база) санитарлық ережелерге сәйкес болуы керек (2020 жылғы 11 тамыздағы № ҚР ДСМ -96/2020).

Лицензияны қалай алуға болады

Бүгінгі күні барлық лицензиялар мен рұқсаттарды Elicense.kz порталы арқылы онлайн режимінде алуға болады. Бұл мемлекеттік қызметтерді электрондық форматқа көшіру, лицензиялау рәсімдерін оңайлату және мемлекеттік органдардың АЖ электрондық лицензиялау жүйесімен интеграциялау арқылы талап етілетін құжаттар санын қысқарту арқылы мүмкін болды.

Elicense.kz порталымен жұмысты бастау үшін ЭЦҚ алу және тіркелу қажет. Егер сіз бұл рәсімге алғаш рет тап болсаңыз, онда сізге "Көмек" бөліміндегі толық нұсқаулар көмектеседі. Сол жерде сіз лицензия алуға өтініш беру бойынша толық суретті қадамдық нұсқаулықты таба аласыз.