Кедендік баждарды, салықтарды, арнайы, демпингке қарсы, өтем баждарды төлеу жөніндегі міндеттерді орындауды қамтамасыз етуді тіркеу

Қызметті онлайн алу

1. Қызметтерді алу үшін «Кеден» Ұлттық интеграцияланған платформасының keden.kgd.gov.kz. сайтына өтіңіз .
2. keden.kgd.gov.kz сайтына тіркеліңіз. «Қамтамасыз ету» сервисінің электрондық өтінішіндегі қажетті жолдарды толтырыңыз және ЭЦҚ (электрондық цифрлық қолтаңба) көмегімен өтінішке қол қойыңыз.
3. Экспорттық-импорттық операциялар үшін «Кеден» ҰИП сайтындағы жеке кабинетте өтінішті қарау мәртебесін қадағалаңыз.

Қызметті мемлекеттік органда алу (қажетті құжаттар):

Кодекстің 97-бабы 1-тармағының 1), 2), 3), 4) және 5) тармақшаларында көзделген тәсілдермен кедендік баждарды, салықтарды төлеу жөніндегі міндеттің орындалуын қамтамасыз ету кезінде:

1. Кедендік баждарды, салықтарды, арнайы, демпингке қарсы, өтемақы баждарын төлеу жөніндегі міндеттерді орындауды, сондай-ақ кеден ісі  саласындағы қызметті жүзеге асыратын заңды тұлғаның және (немесе) уәкілетті экономикалық оператордың міндеттерін орындауды қамтамасыз етуді тіркеу туралы өтініш.
2. Кедендік баждарды, салықтарды төлеу жөніндегі міндетті орындауды қамтамасыз етудің таңдалған тәсіліне байланысты осындай қамтамасыз етуді растайтын мынадай құжаттардың бірі:  

• Кодекстің 94 - бабы 12-тармағының 4) және 5) тармақшаларында көрсетілген құжаттар.
• Екінші деңгейдегі банк – кепілгер мен төлеуші арасында жасалған банктік кепілдік шарты және банктік кепілдік.
• Қазақстан Республикасының Азаматтық кодексіне сәйкес жасалған кепілгерлік шарты.
• Кепіл мүлкінің нарықтық құнын бағалау туралы бағалаушының есебін және мүлікті сақтандыру шартын қоса бере отырып, төлеуші және (немесе) үшінші тұлға мен көрсетілетін қызметті беруші арасында жасалған мүлік кепілі шарты.
• Сақтандыру қызметін жүзеге асыру құқығына лицензиясы бар сақтандыру ұйымдарының тізіліміне енгізілген сақтандыру ұйымы берген сақтандыру шарты.