Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім берудің оқулық басылымдары бойынша авторларға және авторлар ұжымына сараптамалық қорытынды беру

Қызметті «Азаматтарға арналған үкімет» мемлекеттік корпорациясы» КЕАҚ-та  қалай алуға болады (қажетті құжаттар):   

Әзірлеуші және (немесе) баспа (мектепке дейінгі тәрбие мен оқыту үшін) Мемлекеттік корпорация арқылы көрсетілетін қызметті берушіге мынадай материалдарды жібереді:

1. МБ ОӘК сараптама жүргізуге өтініш.
2. Оқу басылымының авторы/ авторлық ұжым туралы мәліметтер: тегі, аты, әкесінің аты (болған жағдайда), ғылыми дәрежесі мен атақтары, біліктілік санаттары, жұмыс орны және лауазымы, растайтын құжаттардың көшірмелері.
3. МБ ОӘК-ге баспаішілік сараптама жүргізу туралы баспа басшысының қолы қойылған және ұйымның мөрімен (болған жағдайда) расталған қорытынды.
4. МБ ОӘК-ні тәуелсіз бағалау туралы әзірлеуші қол қойған қорытынды.
5. Сараптамаға жіберілетін МБ ОӘК-нің көлемі туралы (баспа парақтарымен және минуттарымен) баспа басшысы қол қойған хат.
6. Әзірлеуші, баспа және оқу басылымының авторлары көрсетілмеген МБ ОӘК-нің (баспа-электрондық), оның ішінде оның USB тасығыштағы, PDF форматындағы электрондық нұсқасының макет-түпнұсқаның үш данасы, әзірлеуші, баспа және оқу басылымының авторлары көрсетілген МБ ОӘК-нің (баспа-электрондық), оның ішінде оның USB тасығыштағы, PDF форматындағы электрондық нұсқасының макет-түпнұсқаның бір данасы.
7. Электрондық МБ ОӘК үшін – еркін формада берілген орнату жөніндегі нұсқаулық және пайдаланушыға арналған нұсқаулық.
8. Төлемді растайтын құжат (ақылы негізде сараптама жүргізілгенде).

Әзірлеуші және (немесе) баспа (бастауыш, негізгі орта, жалпы орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру үшін) Мемлекеттік корпорация арқылы көрсетілетін қызметті берушіге мынадай материалдарды жібереді:

1. Оқулықтарға, ЭО-ға, ОӘК-ге, ЭОӘК-ге, оқу құралдарына, ЭО-ға сараптама жүргізуге өтініш.
2. Оқу басылымының авторы/ авторлық ұжым туралы мәліметтер: тегі, аты, әкесінің аты (болған жағдайда), ғылыми дәрежесі мен атағы, біліктілік санаттары, жұмыс орны мен лауазымы және растайтын құжаттардың көшірмелері. Оқу басылымының авторы оқулықтарды әзірлеу саласында оқыту курстарынан өткені туралы сертификаттарды қосымша ұсынады.
3. Тізбеге енгізілген жағдайда, баспаның, әзірлеушінің оқулықтар мен ОӘК-нің электрондық нұсқасын ePub форматында білім беру саласындағы уәкілетті органның интернет-ресурсында орналастыру туралы жазбаша келісімі.
4. Оқулықтар мен ОӘК-нің баспаішілік сараптамасын жүргізу туралы баспа басшысы қол қойған және ұйымның мөрімен расталған қорытынды.
5. Әзірлеуші қол қойған оқулықтар мен ОӘК-ні тәуелсіз бағалау туралы қорытынды.
6. Оқу материалдары мен бастапқы дереккөздерді пайдалануда авторлық және азаматтық құқықтардың бұзылуының жоқтығы туралы баспаның басшысы қол қойған кепілдік хат.
7. Сараптамаға жіберілетін оқулықтар, ОӘК мен оқу құралдарының, оның ішінде электрондық нысандағы көлемі (баспа парақтары мен минуттары) туралы баспа басшысы қол қойған хат.
8. Әзірлеуші, баспа және оқу баслымының авторлары көрсетілмеген оқулықтар (баспа-электрондық), ОӘК мен оқу құралдарының (оның ішінде оның USB тасығыштағы, PDF форматындағы электрондық нұсқасы) макет-түпнұсқаның үш данасы, әзірлеуші, баспа және оқу баслымының авторлары көрсетілген оқулықтар (баспа-электрондық), ОӘК мен оқу құралдарының (оның ішінде оның USB тасығыштағы, PDF форматындағы электрондық нұсқасы) макет-түпнұсқаның бір данасы, ЭО, ЭОӘК және ЭОҚ үшін иесіздендірілген платформада орналастырылған түпнұсқаға сілтеме және USB тасығыштағы (баспаны, әзірлеушіні және (немесе) оқу баслымының авторларын/авторлық ұжымды көрсете отырып) макет. ЭОҚ сараптамасын жүргізу үшін көрсетілетін қызметті алушы оны көрсетілетін қызметті берушіге сараптама жүргізу кезеңінде уақытша ұсынады. ЭОҚ-ны сақтау және қолдану үшін сараптама аяқталғаннан кейін жабдықтың бір данасы көрсетілетін қызметті берушіде қалады.
9. ЭО, ЭОӘК, ЭОҚ үшін – еркін формада берілген орнату жөніндегі нұсқаулық және пайдаланушыға арналған нұсқаулық.
10. Төлемді растайтын құжат (сараптама ақылы негізде жүргізілгенде).

Ақылы негізде қызмет көрсету кезінде (Тақырыптық жоспарға енгізілмеген оқу басылымдарын сараптауға қабылдау) қызмет көрсетуге екі жақты шарт жасау үшін оқу басылымы авторының/ баспа басшысының жеке куәлігі немесе цифрлық құжаттар сервисі арқылы электрондық құжат (жеке басын сәйкестендіру үшін) талап етіледі.

Мемлекеттік көрсетілетін қызметті алу кезінде көрсетілетін қызметті алушы Қазақстан Республикасының заңдарында өзгеше көзделмесе, ақпараттық жүйелердегі заңмен қорғалатын құпиядан тұратын мәліметтерді пайдалануға жазбаша келісім береді.