Тауардың шығу тегі туралы шешім

Қызметті онлайн алу

1. Порталда авторизациядан өтіп "Онлайн сұратым" батырмасы бойынша өту (қызметтерді алу үшін сізде eokno.gov.kz сайтында тіркеуіңіз болуы қажет).
2. eokno.gov.kz сайтындағы қажетті өрістерді толтырыңыз және сұратымға ЭЦҚ-мен (электрондық цифрлық қолтаңбамен) қол қойыңыз. "Экспорттық-импорттық операциялар үшін Қазақстан Республикасының бірыңғай терезесі" порталындағы жеке кабинетте өтінішті қарау мәртебесін қадағалаңыз.

Қызметті «Азаматтарға арналған үкімет» мемлекеттік корпорациясы» КЕАҚ алу (қажетті құжаттар):

1. Өтініш.

Өтініште (туралы) мәліметтер болуы керек:

1. Өтініш берушіге (тегі, аты, әкесінің аты (егер ол жеке басын куәландыратын құжатта көрсетілсе) немесе атауы, тұрғылықты жері немесе орналасқан жері).
2. Тауар (толық коммерциялық атауы, фирмалық атауы (тауар белгісі), негізгі техникалық және коммерциялық сипаттамалары (функционалдық мақсаты, сорты, маркасы, моделі, артикулы, жеке және көліктік қаптамасының сипаттамасы), сыртқы экономикалық қызметтің тауар номенклатурасына сәйкес коды, құны).
3. Тауарлар дайындалған материалдарға, олардың шығу тегіне, Тауарларды сипаттау мен кодтаудың үйлестірілген жүйесіне, құнына сәйкес кодтарға.
4. Тауарды дайындау үшін жасалған өндірістік және технологиялық операциялар.
5. Тауардың шығарылған жері туралы алдын ала шешім қабылдағаны үшін кедендік алым төлеуге.
6. Тауарларды жіктеу туралы алдын ала шешім қабылдағаны үшін кедендік алымды төлеу туралы құжаттың көшірмесі.

Тауардың шығарылған жері туралы алдын ала шешім қабылдау туралы өтінішке тауарды өндіруші елдің сауда-өнеркәсіп палаталарының және (немесе) басқа да сараптама ұйымдарының (елдер тобының, елдердің кеден одағының, өңірдің немесе елдің бір бөлігінің) сараптама актілері және оған қатысты тауардың шығарылған жері туралы алдын ала шешім қабылданатын тауардың шығарылған жері туралы сертификат қоса беріледі.

Тауардың шығарылған жері туралы алдын ала шешім қабылдау туралы өтінішке онда көрсетілген мәліметтерді растайтын өзге де құжаттар қоса берілуі мүмкін: сынақ хаттамалары, тауарды зерттеу нәтижелері келтірілген сараптама ұйымдары мамандарының қорытындылары, тауарды Еуразиялық экономикалық одақтың кедендік шекарасы арқылы өткізуді көздейтін мәміле жасалғанын растайтын құжаттар, өндірілетін тауар құнының калькуляциясы, коммерциялық шоттар, бухгалтерлік есеп құжаттар, тауарды дайындаудың технологиялық процесінің толық сипаттамасы және басқа құжаттар, тауар шығарылған елдің (елдер тобының, елдердің кеден одағының, өңірдің немесе елдің бір бөлігінің) аумағында осы тауардың толық алынғанын, өндірілгенін немесе жеткілікті түрде өңделгенін (қайта өңделгенін) куәландыратын құжаттар, тауардың шығарылған жері туралы алдын ала шешім қабылдау үшін қажетті фотосуреттер, суреттер, сызбалар, бұйымдардың паспорттары және басқа да құжаттар.

Тауардың шығарылған жері туралы алдын ала шешім қабылдау туралы өтінішке тауардың сынамалары және (немесе) үлгілері де қоса берілуі мүмкін.

Көрсетілетін қызметті беруші тауардың шығарылған жері туралы алдын ала шешім қабылдау туралы өтінішке қоса берілген, қазақ немесе орыс тілі болып табылмайтын тілде жасалған құжаттардағы мәліметтерді аударуды талап етуге құқылы.

Егер көрсетілетін қызметті алушы ұсынған мәліметтер тауардың шығарылған жері туралы алдын ала шешім қабылдау үшін жеткіліксіз болған жағдайда, Мемлекеттік кірістер органы Мемлекеттік кірістер органына тауардың шығу тегі туралы алдын ала шешім қабылдау туралы өтініш келіп түскен күннен бастап 10 жұмыс күнінен кешіктірмей өтініш берушіге қосымша ақпарат беру қажеттілігі туралы сұрау салуды жібереді.

Қосымша ақпарат мемлекеттік кірістер органы өтініш берушіге қосымша ақпарат беру қажеттілігі туралы сұрау салуды жіберген күннен бастап күнтізбелік 60 күннен кешіктірілмей ұсынылуға тиіс.

Телнұсқаны алу үшін:

1. Еркін нысандағы өтініш.

Тауардың шығалыған жері туралы алдын ала шешімнің телнұсқасында тауардың шығу тегі туралы алдын ала шешімнің түпнұсқасында қамтылған барлық мәліметтер, оның ішінде тауардың шығу тегі туралы алдын ала шешімнің тіркеу нөмірі мен қабылданған күні көрсетіледі және «Телнұсқа» белгісі қойылады.