Уақытша сақтау орындары иелерінің тізіліміне енгізу

Қызметті онлайн алу

1. Порталда авторизациядан өтіп «Онлайн сұрау» батырмасына өтіңіз (қызметтерді алу үшін сіз eokno.gov.kz сайтында тіркелуіңіз керек).
2. eokno.gov.kz сайтында қажетті жолдарды толтырыңыз және ЭЦҚ (электрондық цифрлық қолтаңба) сұранысына қол қойыңыз. Сіздің есептік жазбаңыздағы «Қазақстан Республикасының экспорттық-импорттық операциялары үшін бірыңғай терезе» порталындағы қосымшаның күйін бақылаңыз.

Кеден дела саласындағы уәкілетті органның аумақтық органының лауазымды адамы көрсетілетін қызметті алушының үй-жайлары мен аумақтарын «Қазақстан Республикасындағы кедендік реттеу туралы» Қазақстан Республикасы Кодексінің 415-бабы 3-тармағына сәйкес 503-бабы 1-тармағының 1) тармақшасында, 510-бабы 1-тармағының 1) тармақшасында және 517-бабы 1-тармағының 1) тармақшасында айқындалған талаптарға сәйкестігіне қарап-тексеруді жүргізеді.

Кедендік қарап-тексеруді жүргізу кезінде көрсетілетін қызметті алушы көрсетілетін қызметті берушінің лауазымды адамына түпнұсқаларын көрсете отырып, мынадай құжаттардың:

1. Уақытша сақтау орны ретінде пайдалануға арналған құрлыс жайлардың, үй-жайлардың (үй-жай бөліктерінің) және (немесе) ашық алаңдардың меншігінде, шаруашылық жүргізуінде, жедел басқаруында болуын немесе жалға алынғанын растайтын құжаттардың.

мыналардың:

1. Тиеу-түсіру механизмдерінің не тиеу-түсіру механизмдерін пайдаланумен байланысты қызмет көрсететін тұлғамен шарттың.
2. Орналастырылатын тауарлар мен көлік құралдарының сипаттамасына сәйкес келетін сертификатталған таразы жабдығының, ал арнаулы сақтау орнына газ орналастырылған жағдайда – тиісті есептеу құралы аспабының бар екенін растайтын құжаттардың түпнұсқаларын көрсете отырып көшірмелерін ұсынады.

Бұл ретте ұсынылған құжаттардың көшірмелері көрсетілетін қызметті берушіде қалатын, үй-жайларды және аумақты кедендік қарап тексеру актіне қоса тігіледі.

Үй-жайларды және аумақты кедендік қарап тексеру аяқталған соң үй-жайларды және аумақты кедендік қарап тексеру актісінің бір данасы көрсетілетін қызметті алушыға беріледі.