Зейнетақы жинақтарын алу шарттары

Өзінің немесе жұбайының (зайыбының) немесе жақын туыстарының пайдасына тұрғын үй жағдайларын жақсарту мақсатында және (немесе) емделуге ақы төлеу үшін біржолғы зейнетақы төлемдері (бұдан әрі – БЗТ) мынадай шарттардың бірі болған кезде:

• егер зейнетақы жинақтарының сомасы Қазақстан Республикасының Үкіметі бекіткен әдістемеге сәйкес айқындалған зейнетақы жинақтарының ең аз жеткіліктілік шегінен асса;
• егер Әлеуметтік кодекстің 207-бабының 1, 2 және 3-тармақтарында көрсетілген адамдар үшін зейнетақы мөлшері, сондай-ақ ҚР Әлеуметтік кодексінің 207-бабының 4-тармағында көрсетілген адамдардың ай сайынғы қамтылым мөлшері Қазақстан Республикасының Үкіметі айқындаған тәртіппен айқындалатын, алушының орташа айлық табысын 40 пайыздан төмен емес деңгейде алмастыру коэффициентін қамтамасыз етсе, жүргізіледі;
• егер салымшы сақтандыру ұйымымен зейнетақы аннуитеті шартын жасасса;

егер салымшы еңбек сіңірген жылдары үшін зейнетақы төлемдерін алушы болып табылса, жүргізіледі.

Іс-әрекет тәртібі:

• БЖЗҚ немесе электрондық үкіметтің интернет-ресурстарында қолжетімді сома туралы ақпарат алу;
• уәкілетті операторлардың бірінің сайтында жеке кабинетте тіркелу;
• уәкілетті операторда арнайы шот ашу;
• уәкілетті оператордың интернет-ресурсында БЗТ-ға өтініш беру.

Уәкілетті операторлар (01.08.2025 ж. жағдай бойынша)

Тұрғын үй жағдайын жақсарту үшін:

• «Отбасы банк» АҚ
• «Қазақстан Халық Банкі» АҚ
• «Altyn Bank» АҚ
• «Банк ЦентрКредит» АҚ
• «Фридом Банк Қазақстан» АҚ

Емделуге ақы төлеу үшін:

• тек «Отбасы банк» АҚ

Қазақстан Республикасының Ұлттық Банкі мен БЖЗҚ арасында жасалатын сенімгерлік басқару туралы шарт негізінде БЖЗҚ-ның зейнетақы активтерін сенімгерлік басқаруды Қазақстан Республикасының Ұлттық Банкі жүзеге асырады.

ИПБ зейнетақы активтерін сенімгерлік басқаруды БЖЗҚ мен ИПБ арасында жасалған зейнетақы активтерін сенімгерлік басқару туралы шарт (бұдан әрі – зейнетақы активтерін сенімгерлік басқару туралы шарт) негізінде жүзеге асырады.

Зейнетақы активтерін сенімгерлік басқаруға беру шарттары

БЖЗҚ зейнетақы активтерін ИПБ-ның сенімгерлік басқаруына беруді мынадай шарттар бір мезгілде орындалған кезде:

1. Міндетті зейнетақы жарналары (МЗЖ) салымшысының, өзі үшін міндетті кәсіптік зейнетақы жарналары (МКЗЖ), ерікті зейнетақы жарналары (ЕЗЖ) аударылған жеке тұлғаның БЖЗҚ-ның ішкі құжаттарында белгіленген нысан бойынша және құжаттарды қоса бере отырып, ИПБ-ны таңдауы (өзгертуі) туралы жазбаша өтініші болған кезде;
2. БЖЗҚ, ИПБ және кастодиан-банк арасында жасалған, зейнетақы активтерін сенімгерлік басқару туралы шарт, сондай-ақ кастодиандық шарт болған кезде;
3. МЗЖ салымшысының, өзі үшін МКЗЖ аударылған жеке тұлғаның ИПБ-ның сенімгерлік басқаруына берілуге жататын зейнетақы жинақтары:

• МЗЖ салымшысының, өзі үшін МКЗЖ аударылған жеке тұлғаның ИПБ таңдауы (өзгертуі) туралы өтініші келіп түскен күнге осы тұлғаның жеке зейнетақы шотындағы (ЖЗШ) зейнетақы жинақтары сомасының елу пайызынан аспаған кезде жүзеге асырады. ИПБ-ның сенімгерлік басқаруына одан кейін беру кезінде зейнетақы жинақтарының көлемі ИПБ-ның инвестициялық кірісі ескеріле отырып, бұрын берілген зейнетақы жинақтары есепке алынып айқындалады (өтініш беру зейнетақы жинақтарын ИПБ-ның сенімгерлік басқаруына берген күннен бастап жылына бір реттен жиілетпей жүргізіледі);

не

• Сақтандыру ұйымымен жасалған зейнетақы аннуитеті шарты болған жағдайда олардың ЖЗШ-дағы МЗЖ және (немесе) МКЗЖ есебінен құралған зейнетақы жинақтарының мөлшерінен аспаған кезде жүзеге асырады;

4. ИПБ-ның сенімгерлік басқаруына беруге жататын ЕЗЖ есебінен қалыптастырылған зейнетақы жинақтары ЕЗЖ есепке алуға арналған ЖЗШ-да бар зейнетақы жинақтарынан аспаған;

МЗЖ салымшысының, өзі үшін МКЗЖ, ЕЗЖ аударылған жеке тұлғаның өтінішінде көрсетілген ИПБ қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның нормативтік құқықтық актісінде белгіленген талаптарға сәйкес келген кезде жүзеге асырады.

ИПБ таңдау (өзгерту) туралы өтініш беру тәсілдері

• БЖЗҚ кеңселеріне жеке өтініш беру
•  БЖЗҚ-ның интернет-ресурсы арқылы электрондық цифрлық қолтаңбамен қол қойылған өтініш беру.

Қолданыстағы ИПБ тізбесі (01.08.2025 жылғы жағдай бойынша)

• «Halyk Global Markets» АҚ
• «Jusan Invest» АҚ
• «BCC Invest» АҚ
• «Сентрас Секьюритиз» АҚ
• «Halyk Finance» АҚ

Зейнетақы активтерін ИПБ-ның сенімгерлік басқаруына беру мерзімі

• өтініш келіп түскен күннен кейін 30 (отыз) күнтізбелік күн ішінде

Қазақстан Республикасы Қаржы нарығын реттеу және дамыту агенттігі Басқармасының 2023 жылғы 26 мамырдағы №28 Зейнетақы активтерін инвестициялық портфельді басқарушыға сенімгерлік басқаруға беру және зейнетақы активтерін бір инвестициялық портфельді басқарушыдан басқа инвестициялық портфельді басқарушыға немесе Қазақстан Республикасының Ұлттық Банкіне беру қағидалары мен мерзімдерін бекіту туралы қаулысымен айқындалды.

Толығырақ қайдан білуге болады

• Зейнетақы жинақтарын ИПБ-ға /бір ИПБ-дан екінші ИПБ-ға аудару/зейнетақы жинақтарын ИПБ-дан Қазақстан Республикасының Ұлттық Банкіне қайтару тәртібі бөлігінде - БЖЗҚ-ның интернет-ресурсы
• зейнетақы жинақтарын аудару кезіндегі қадамдық нұсқаулық - БЖЗҚ-ның интернет-ресурсы
• қолжетімді соманы тексеру – БЖЗҚ-ның немесе электрондық үкіметтің интернет-ресурсы
• зейнетақы активтері бойынша ең төменгі кірістілік және орташа алынған кірістілік көрсеткіштері туралы ақпарат алу бөлігінде - Қазақстан Республикасы Ұлттық Банкінің интернет-ресурсы.