Ғылыми тағылымдамадан өту конкурсына қатысу үшін құжаттарды қабылдау

Қызметті онлайн алу

1. "Онлайн сұрау" батырмасын басыңыз.

Қажетті құжаттар:

1. "Ғылыми тағылымдамадан өтуге арналған конкурсқа қатысу үшін жұмыс орнын сақтау шартымен жұмыс берушінің маман даярлауға өтінімінің нысандарын және үміткердің сауалнамасын бекіту туралы" Қазақстан Республикасы Ғылым және жоғары білім министрінің 2024 жылғы 29 шілдедегі № 378 бұйрығымен (бұдан әрі - № 378 бұйрық) бекітілген 1-қосымшаға сәйкес нысан бойынша жұмыс орнын сақтау шартымен ғылыми тағылымдамадан өтуге жұмыс берушінің өтінімі.
2. Көрсетілетін қызметті алушының жеке басын куәландыратын құжат және (немесе) цифрлық құжаттар сервисінен электрондық құжат (жеке басын сәйкестендіру үшін талап етіледі).
3. № 378 бұйрықпен бекітілген 2-қосымшаға сәйкес нысан бойынша ғылыми тағылымдамадан өту конкурсына қатысу үшін үміткердің толтырған сауалнамасы.
4. Ғылым докторы және (немесе) ғылым кандидаты ғылыми дәрежесі, философия докторы (PhD) және (немесе) бейін бойынша доктор дәрежесі, магистр дәрежесінің болуы туралы құжаттың, сондай-ақ шетелдік білім беру ұйымында оқығанда – білім туралы құжатты тану туралы куәліктің не "Білім туралы" Қазақстан Республикасы Заңының 39-бабының 8-тармағында белгіленген ерекшеліктерді ескере отырып, білім туралы құжатты тану туралы өзге құжаттың түпнұсқасы және көшірмесі (түпнұсқалары салыстырып тексерілгеннен кейін үміткерге қайтарылады).
5. Іріктеу қағидаларында бекітілген талаптарға сәйкес жасалып, жұмыс беруші бекітетін және тағылымдамаға қабылдайтын шетелдік ұйыммен келісілген ғылыми тағылымдамадан өту бағдарламасы.
6. Еңбек қызметін растайтын құжаттардың, сондай-ақ осы Қағидаларға сәйкес талап етілетін еңбек қызметі кезеңінде аударылған міндетті зейнетақы жарналары туралы үзіндінің түпнұсқасы және көшірмесі (түпнұсқалары салыстырып тексерілгеннен кейін үміткерге қайтарылады).
7. Белгіленген ең төменгі талаптарға сәйкес нәтижесі бар мемлекеттік тілден емтихан тапсырғаны туралы белгіленген нысандағы жарамды ресми сертификаттың түпнұсқасы мен көшірмесі (түпнұсқалары салыстырып тексерілгеннен кейін үміткерге қайтарылады).
8. Белгіленген ең төменгі талаптарға сәйкес нәтижесі бар шет тілінен емтихан тапсырғаны туралы белгіленген нысандағы жарамды ресми сертификаттың түпнұсқасы мен көшірмесі (түпнұсқалары салыстырып тексерілгеннен кейін үміткерге қайтарылады).
9. "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен (Нормативтік құқықтық актілерді мемлекеттік тіркеу тізілімінде № 21579 болып тіркелген) (бұдан әрі - № 21579 бұйрық) бекітілген № 072/у нысаны бойынша медициналық анықтаманың түпнұсқасы (шетелге шығатындар үшін).
10. Үміткерді тағылымдамаға қабылдайтын шетелдік ұйымның шартсыз шақыруын (қаржылық шарттарды қоспағанда) растайтын, жүргізілетін ғылыми зерттеу, ғылыми тағылымдамадан өту мерзімі, құны (есеп-қисабын толық көрсетіп) көрсетілген, қазақ немесе орыс тіліне нотариалды куәландырылған аудармасы бар құжаттың көшірмесі.
11. Ғылыми нәтижелердің тізімі (Web of Science (Веб оф сайнс), Scopus (Скопус) халықаралық дерекқорларында индекстелетін кемінде 1 (бір) мақаласы немесе шолуы немесе "Ғылыми қызметтің нәтижелерін жариялау үшін ұсынылатын басылымдар тізбесіне қосу үшін ғылыми басылымдарға қойылатын талаптарды бекіту туралы" Қазақстан Республикасы Білім және ғылым министрінің 2016 жылғы 12 қаңтардағы № 20 бұйрығымен бекітілген (Нормативтік құқықтық актілерді мемлекеттік тіркеу тізілімінде № 13409 болып тіркелген) Ғылыми басылымдар тізбесінің 1-тізіміне немесе 2-тізіміне енгізілген отандық немесе шетелдік ғылыми басылымдарда 1 мақала және (немесе) Derwent Innovations Index (Дервент иновейшн индекс) халықаралық өтінімі.
12. Ғылым саласындағы уәкілетті орган берген аккредиттеу туралы жарамды ресми куәліктің көшірмесі.