Мемлекеттік аудитор сертификатын беру

Қызметті онлайн алу 

1. Порталда авторизациядан өтіп "Онлайн сұратым" батырмасын басыңыз.
2. Өтінімді толтырып оған ЭЦҚ (электрондық цифрлық қолтаңба) немесе смс-паролінің көмегімен қол қойыңыз (міндетті түрде мобильдік азаматтар базасында тіркеу бар болу қажет).
3. Жеке кабинетте ("Қызметтерді алу тарихы" бөлімінде) көрсетілген уақыт ішінде келіп түсетін сіздің өтініміңізді өңдеу туралы хабарламамен танысыңыз.

Қызметті онлайн қалай алуға болатыны туралы бейнероликті қараңыз

Қызметті мемлекеттік органда алу (қажетті құжаттар):

Телнұсқаны беру кезінде:

1. Кан­ди­дат үміт біл­дір­ген ти­іс­ті дең­гей­де­гі мем­ле­кет­тік ауди­тор бі­лік­ті­лі­гі көр­се­ті­л­ген өті­ніш автоматты түрде қалыптасады.
2. Жеке басын куәландыратын құжаты туралы мәліметтер.
3. Жоғары білімінің болуын растайтын құжаттың қосымшаларымен бірге электрондық көшірмесі.

Шетелдік білім беру ұйымдарында алған білімі туралы құжаттардың көшірмелеріне «Болашақ» халықаралық стипендиясын иеленушінің шетелдік жоғары және (немесе) жоғары оқу орнынан кейінгі білім беру ұйымдары, ғылыми орталықтары мен зертханалары берген, сондай-ақ өзара тану және баламалылығы туралы халықаралық шарттың (келісімнің) қолданылу аясына жататын білім туралы құжаттарды қоспағанда, білім беру саласындағы уәкілетті орган берген осы білім туралы құжаттарды тану немесе нострификациялау туралы куәліктердің көшірмелері қоса беріледі.

Білімі туралы құжаттарға «Халықаралық бағдарламалар орталығы» акционерлік қоғамы берген «Болашақ» халықаралық стипендиясы стипендиантының мәртебесі туралы ақпарат қоса беріледі.

Өзара тану және баламалылығы туралы халықаралық шарттың (келісімнің) қолданылу аясына жататын білім туралы құжаттардың көшірмелеріне білім беру саласындағы уәкілетті орган берген білім туралы осы құжаттарды тану туралы анықтамалардың көшірмелері қоса беріледі.

Егер құжат (диплом/сертификат) және оған қосымшалар шет тілінде болса, белгіленген тәртіппен нотариат куәландырған қазақ және (немесе) орыс тіліндегі аудармасы ұсынылады.

4. Қазақстан Республикасы Еңбек кодексінің 35-бабына сәйкес еңбек қызметін растайтын құжат (ақпараттық жүйеде мәліметтер болмаған жағдайда құжаттың электрондық көшірмесі қоса беріледі).

Қажет болған жағдайда, көрсетілетін қызметті алушы функционалдық міндеттеріне сәйкес салаларда жұмыс өтілінің болуын растайтын құжаттарды қоса береді.

5. Бухгалтерлік есеп, аудит және қаржы саласында ұлттық немесе халықаралық кәсіби біліктілік берілгені туралы құжаттың электрондық көшірмесі (болған жағдайда).
6. 4-қо­сым­ша­ға сәйкес нысан бойынша Орталық берген мемлекеттік аудитор біліктілігін иеленуге үміткер адамдар үшін білімді растау жөніндегі құжаттардың электрондық көшірмесі.
7. Жеке деректерін (тегін, атын, әкесінің атын (болған жағдайда) өзгертуі туралы мәліметтерді растайтын құжаттың электрондық көшірмесі.
8. 3x4 көлеміндегі 1 (бір) электрондық фотосурет (жеке іске).
9. Дербес деректерді жинауға және өңдеуге келісім беру туралы өтініш 5-1-қо­сым­ша­ға сәйкес нысан бойынша автоматты түрде қалыптасады.
10. Жоғары санатты мемлекеттік аудитор біліктілігін иеленуге үміткер адамдар үшін мемлекеттік аудитор сертификатының электрондық көшірмесі.
11. Осы Қағидалардың 41-тармағының 2) және 3) тармақшаларында көрсетілген халықаралық кәсіби біліктіліктердің бірін иелену туралы құжаттың электрондық көшірмесі.

Осы тармақтың 3), 4), 5), 6), 10) және 11) тармақшаларында көзделген құжаттар персоналды басқару қызметінің (кадр қызметі) қолымен (болған жағдайда) және мөрімен (мөртабанымен) куәландырылған не нотариат куәландырған нысанда ұсынылады.

Көрсетілетін қызметті алушының таратылуы шектелген ақпаратты қамтитын құжаттарын Қазақстан Республикасы Үкіметінің 2022 жылғы 24 маусымдағы № 429 қаулысымен бекітілген Мәліметтерді таратылуы шектелген қызметтік ақпаратқа жатқызу және онымен жұмыс істеу қағидаларына сәйкес көрсетілетін қызметті берушінің кеңсе қызметкері қабылдайды.