- «Болашақ» халықаралық стипендиясын тағайындау конкурсына қатысу үшін үміткердің сауалнамасы.
- Үміткерлер конкурсына қатысу үшін «Болашақ» халықаралық стипендиясын тағайындау конкурсына қатысу үшін құжаттар қабылдау «мемлекеттік қызмет көрсету қағидаларына 3-қосымшаға сәйкес нысан бойынша тағылымдамадан өтуге үміткерлер санаты бойынша қатысатын үміткерлер мен магистр дәрежесін алуға мемлекеттік қызметшілер (мемлекеттік саяси қызметшілерді қоспағанда) болып табылатын үміткерлер санаты бойынша қатысатын үміткерлер конкурсына қатысу үшін жұмыс орнын сақтап қалу шартымен жұмыс берушінің маман даярлауға арналған өтінімінің электрондық көшірмесі.
- Бакалавр дәрежесін алуға үміткерлер үшін жалпы орта білім немесе техникалық және кәсіптік білім немесе орта білімнен кейінгі білім туралы қосымшасы бар мемлекеттік үлгідегі құжаттың электрондық көшірмесі.
- Бакалавр дәрежесін алуға үміткерлер үшін таңдаған мамандықтары олимпиаданың немесе конкурстың пәніне сәйкес келген кезде тізбесін Шетелде кадрлар даярлау жөнiндегi республикалық комиссия айқындайтын жалпы білім беретін пәндер бойынша халықаралық олимпиадалардың, ғылыми жобалардың халықаралық конкурстарының және орындаушылардың халықаралық конкурстарының бірінші, екінші және үшінші дәрежелі соңғы 3 жылда алған дипломының электрондық көшірмесі.
- Шетелге оқуға жіберілетін үміткердің заңды өкiлінің (Қазақстан Республикасының заңнамасына сәйкес балаға қамқорлық жасауды, бiлiм, тәрбие берудi, оның құқықтары мен мүдделерiн қорғауды жүзеге асыратын ата-аналар (ата-ана), бала асырап алушылар, қорғаншы немесе қамқоршы, баланы қабылдайтын ата-ана (баланы қабылдайтын ата-аналар), патронат тәрбиешi және оларды алмастырушы басқа да адамдар) нотариалдық келісімінің электрондық көшірмесі (18 жасқа толмаған тұлғалар үшін).
- Қосымшасы бар бакалавр немесе маман дипломының электрондық көшірмесі, сондай-ақ шетелдік білім беру ұйымында оқыған болса – білімі туралы құжатты тану және/немесе нострификациялау туралы куәлік не «Білім туралы» Қазақстан Республикасы Заңының 39-бабының 8-тармағында белгіленген ерекшеліктерді ескере отырып, білімі туралы құжатты тану туралы өзге де құжаттың электрондық көшірмесін не цифрлық құжаттар сервисінен алынған электрондық құжат.
- Үміткерлер конкурсқа қатысу үшін еңбек қызметін растайтын құжаттардың электрондық көшірмелері, сондай-ақ еңбек қызметінің талап етілетін кезеңі үшін аударылған міндетті зейнетақы жарналары туралы үзінді көшірме не цифрлық құжаттар сервисінен электрондық құжат:магистр дәрежесін алуға ауылдық елді мекеннен шыққан үміткерлер, инженерлік-техникалық, медицина қызметкерлері үшін;конкурстық іріктеуге қатысу үшін құжаттарды тапсыру сәтінде мемлекеттік қызметшілер (мемлекеттік саяси қызметшілерді қоспағанда) болып табылатын магистр дәрежесін алуға үміткерлер үшін;тағылымдамадан өтуге үміткерлер санаты бойынша.
- «Болашақ» халықаралық стипендиясын іске асыру бойынша кейбір шаралар туралы» Қазақстан Республикасы Білім және ғылым министрінің міндетін атқарушының 2015 жылғы 22 мамырдағы № 318 бұйрығымен (Нормативтік құқықтық актілерді мемлекеттік тіркеу тізілімінде № 11258 болып тіркелген) (бұдан әрі – № 318 бұйрық) бекітілген белгіленген ең төменгі талаптарға сәйкес нәтижесі бар шет тілі бойынша емтихан тапсырғаны туралы белгіленген нысандағы жарамды ресми сертификатының электрондық көшірмесі;
- № 318 бұйрықпен бекітілген белгіленген ең төменгі талаптарға сәйкес нәтижесі бар қазақ тіл бойынша емтихан тапсырғаны туралы белгіленген нысандағы жарамды ресми сертификаттың электрондық көшірмесі.
- Шетелге шығатын тұлғалар үшін денсаулық сақтау саласындағы уәкілетті орган белгілеген нысан бойынша денсаулық жағдайы туралы медициналық анықтаманың электрондық көшірмесі.
- Ауылдық елдi мекеннен шыққан үміткерлерді, инженерлік-техникалық және медицина қызметкерлері қатарынан үміткерлерді, конкурстық іріктеуге қатысу үшін құжаттарды тапсыру сәтінде мемлекеттік қызметшілер (мемлекеттік саяси қызметшілерді қоспағанда) болып табылатын магистр дәрежесін алуға үміткерлерді қоспағанда, оқу бағдарламасы, мамандығы және оқу кезеңі көрсетілген, мемлекеттік немесе орыс тілдеріне нотариалды куәландырылған аудармасы бар академиялық оқуға сөзсіз қабылданғанын растайтын құжаттардың (қаржылық шарттарды қоспағанда) электрондық көшірмелері.
- Конкурс жеңімпаздарының оқуы, тілдік курстардан өтуі үшін ұсынылатын шетелдік жетекші жоғары оқу орындарының, шетелдік ұйымдардың тізіміне (бұдан әрі – Тізім) енгізілген жетекші шетелдік жоғары оқу орындарында академиялық оқуда оқитын тұлғалар үшін мемлекеттік немесе орыс тілдеріне нотариалды куәландырылған аудармасы бар шетелдік жоғары оқу орны берген үлгерімі туралы ресми құжатты/мамандығын, курсын (оқу жылын), оқу нысанын, осы оқу орнында пайдаланылатын бағалау жүйесі туралы ақпаратты, сондай-ақ осы оқу орнындағы ағымдағы үлгерімінің орташа балын көрсететін белгіленген үлгідегі анықтаманың электрондық көшірмесі.
- Тізімге енгізілген жетекші шетелдік жоғары оқу орны, сондай-ақ өзге де шетелдік және/немесе қазақстандық ұйымдар ұсынатын, академиялық оқудың бүкіл кезеңі үшін академиялық оқу ақысын қамтитын шығыстарды толық өтей отырып, мемлекеттік немесе орыс тіліне нотариалды куәландырылған аудармалары бар (олар бар болса), академиялық оқуға үміткердің өтеусіз негізде қабылданғанын растайтын құжаттардың электрондық көшірмелері.
- Философия докторы (PhD), бейін бойынша доктор дәрежесін алу үшін Тізімге енгізілген және шетелдік жетекші жоғары оқу орны белгілеген мерзімдерден аспайтын шетелдік жетекші жоғары оқу орнымен келісілген мемлекеттік немесе орыс тілдеріне нотариалды куәландырылған аудармасы бар жеке оқу жоспарының электрондық көшірмесі.
- Мотивациялық хаттың электрондық көшірмесі.
- Тағылымдамаға үміткерлер санаты бойынша қатысатын адамдар тағылымдамаға қабылдаушы шетелдік ұйымдардың шартсыз шақыруын (қаржылық шарттарын қоспағанда) мемлекеттік немесе орыс тіліндегі нотариалды куәландырылған аудармалары бар, Тізбеден таңдалған мамандық, мерзімдері, құны (есептеулерді ашып жазумен) көрсетілген растайтын құжаттардың электрондық көшірмесі.
- Тағылымдамаға үміткерлер санаты бойынша қатысатын адамдар үшін № 318 бұйрықпен бекітілген және тағылымдамаға жіберуші және қабылдаушы ұйымдар бекіткен талаптарға сәйкес жасалған тағылымдамадан өту бағдарламасының электрондық көшірмесі.
- Көрсетілетін қызметті беруші тиісті мемлекеттік ақпараттық жүйелерден және дерекқорлардан алған ауылдық елді мекеннен шыққан үміткердің тұрғылықты жері туралы мәліметтер.
Үміткердің жеке куәлік, еңбек қызметін растайтын құжаттар, аударылған міндетті зейнетақы жарналары туралы үзінді көшірме, ауылдық елді мекеннен үміткердің тұрғылықты жері туралы мәліметтерді көрсетілетін қызметті беруші тиісті мемлекеттік ақпараттық жүйелер «электрондық үкімет» шлюзі арқылы алады.
Көрсетілетін қызметті берушілер цифрлық құжаттарды «электрондық үкімет» веб-порталында тіркелген пайдаланушының ұялы байланысының абоненттік нөмірі арқылы бір реттік парольді беру арқылы немесе «электрондық үкімет» веб-порталының хабарламасына жауап ретінде қысқа мәтіндік хабарлама жіберу арқылы ұсынылған құжат иесінің келісімі болған жағдайда іске асырылған интеграция арқылы цифрлық құжаттар сервисінен алады.
